Velaí a proposta dun dos compañeiros para este e os seguintes venres:
Me gustaría formar un grupo de reflexión e ación pacifista, antimilistarista e en favor do progreso dos pobos e do valor supremo da paz
O grupo chamariase “Bertand Russell” en honor do filósofo inglés comprometido co desarme nuclear.
Poderiamos reunirnos unha vez a semana, os venres as 21:00 ou noutra data e hora que vos propuxérades
Teño un conxunto de materiais que son moi interesantes, desde contos a pezas de teatro.
Apunto algúns datos para a reflexión:
|
Ti decides
Le con atención estes datos:
1-Os gastos militares no mundo supoñen un investimento 60 veces superior ao que se precisaría realizar en Saúde e Nutrición básica para cubrir as necesidades de toda a poboación mundial. 2-Co valor dun submarino nuclear poderíase pagar un programa de vacinación para todos os nenos e nenas do mundo. 3-Destruir unha mina antipersoal costa entre 100 e 300 veces máis que fabricala. 4-En Angola e Camboia hai máis minas que habitantes. 5-As explosións nucleares teñen matado, enfermado ou deformado a 1.200 millóns de persoas nos últimos sesenta anos. 6-Actualmente máis de 300.000 nenos e nenas soldados combaten en conflictos armados. 7-Os gastos militares en España son 10 veces superiores ao conxunto da Axuda Oficial ao Desenvolvemento (AOD.) 8-No mundo hai un soldado por cada 43 persoas e un médico por cada 1000. 9-Aínda morren cada día uns 35.000 nenos e nenas por malnutrición e enfermidade. 10-Cincoenta millóns de persoas están infectadas polo virus do SIDA e a grande maioría non recibe tratamento médico nin atención. 11-Oitocentos millóns de persoas non teñen acceso á comida suficiente para alimentarse. 12-Dez millóns de nenos e nenas morren antes de cumprir os cinco anos por causas evitables. 13-O 70% das persoas pobres no mundo son mulleres. 14-O 10% da poboación goza do 70% da riqueza do mundo. 15-Actualmente, 45 millóns de nenos e nenas que viven en África subsahariana non están matriculados na escola primaria.
Qué podes facer ti? -Difundir estes datos e outros parecidos que coñezas. -Dar a coñecer tamén que existe unha alternativa, que o gasto pode reorientarse, redirixirse. -Contactar con máis xente da túa localidade ou do teu país que tamén pensa como ti (lembra que internet é un poderoso medio de encontro e comunicación), e organizarse con elas para posibles manifestacións, ou para reunir sinaturas que lle esixan ao Presidente do goberno unha redución do gasto en armas. -E non desanimarse aínda que os froitos do teu esforzo tarden en chegar…, porque todo o bo tarda en chegar, pero sempre paga a pena. -E lembra: cando soñamos sos, e simplemente un soño. Cando soñamos xuntos, comeza unha realidade. |
Posted on xullo 9th, 2008 by desejoprecario
Filed under: Sen clasificar
Grazas pola aportación e pola tua involucración destas temáticas. Souben desta páxina por un amigo e comparto moito do que ti dis, tentareia pasarme polo voso sitio para participar e ver que se cociña nos fornos dos que lle queren dar voz os que ya quitaron, un saudo.
[...] é un espazo de debate, os venres ás [...]